ಹೋಗಿ ಬಿಡು ನೀನು ಬರುವ ಮೊದಲೇ...

ನೋವುಂಡಿದ್ದೇನೆ ಹಲವು

ಹೋಗಿ ಬಿಡು ನೀನು

ನಿನ್ನಿಂದ ನೊವುಣ್ಣುವ ಮೊದಲೆ

ಕಷ್ಟವೆನಿಸಿದೆ ಬದುಕು

ಹೋಗಿಬಿಡು ನೀನು

ನಿನ್ನಿಂದ ಕಷ್ಟವೆನಿಸುವ ಮೊದಲೆ

ಅವಮಾನವುಂಡಿದ್ದೇನೆ ನಾನು

ಹೋಗಿ ಬಿಡು ನೀನು

ನೀನವಮಾನಿಸಿದೆಂದರಿವಾಗುವ ಮೊದಲೆ

ಬಿರುಗಾಳಿಗೆ ತತ್ತರಿಸಿದೆ ಮನ

ಹೋಗಿಬಿಡು ನೀನು

ನೀನೆ ಬಿರುಗಾಳಿಯಾಗುವ ಮೊದಲೆ

ಹಾಸ್ಯಸ್ಪದವಾಗಿದ್ದೇನೆ ನಾನು

ಹೋಗಿಬಿಡು ನೀನು ನಿನ್ನ ಕಣ್ಣಲ್ಲಿ ನಾನು ಹಾಸ್ಯವಾಗುವ ಮೊದಲೆ

ನಕ್ಕಿದ್ದೇನೆ ನೀನು ಬಂದ ಮೇಲೆ

ಹೋಗಿಬಿಡು ನೀನು

ನನ್ನ ನಗುವಳಿಸುವ ಮೊದಲೆ

ಹೋಗಿಬಿಡು ನೀನು

ನಿನ್ನಿಂದಲೇ ಸಿಕ್ಕ ಸಂತೋಷದ ಕ್ಷಣಗಳ

ನೆನಪುಗಳು ಮಾಯುವ ಮೊದಲೆ

ಹೋಗಿಬಿಡು ನೀನು

ದ್ವೇಷ ಹುಟ್ಟುವ ಮೊದಲೆ

ಹೋಗಿಬಿಡು ಬಹಳಷ್ಟು ದೂರ

ನಾನೆಷ್ಟೆ ತಡಕಾಡಿದರೂ ಸಿಗದಂತೆ

ಭೋರ್ಗರೆದು ಅತ್ತರೂ ಕೇಳದಂತೆ

. . .

ಹೋಗಿಬಿಡು ನೀನು ಬರುವ ಮೊದಲೇ...

PC : from Twitter account @restot50

✍🏻ವಿನುವೇದ

---