ಕೃಷ್ಣ ಅಸಲು ನೀ ಬರೀ ರಾಧೆಗೇಕೆ ಮೀಸಲು?

ಜಗವ ಪೊರೆವವ ನೀನು ತುಸು ಗಂಭೀರ ಇರಬಾರದೆ!

ಗೋಪಿಯರ ಮನಸು ಜಾರದಂತೆ?

ನಿನ್ನೊಲವಲ್ಲಿ ಬೀಳದಿರುವಂತೆ?

ನಿನಗಾಗಿ ಹಪಹಪಿಸದಂತೆ?

ನೀನೇಕೆ ವರ್ತಿಸಬಾರದು ರಾವಣನಂತೆ?

ಕೆಟ್ಟಕೆಲಸ ಮಾಡಿಯೂ ಒಳ್ಳೆಯವನೆನಿಸಿಕೊಳ್ಳೋ ಈಗಿನ ಹೀರೋಗಳಂತೆ!!

ಮೆಚ್ಚಬೇಕೇಕೆ ನಿನ್ನ ?

ಯಾರಿಗೂ ಮೀಸಲಿಲ್ಲದ ನೀನು

ನಿನ್ನಿಂದ ನೀರೀಕ್ಷೆಯಾದರೂ ಏನು?

ಬೈಯಲೇ ಹೊಡೆಯಲೇ ಶಿಕ್ಷಿಸಲೇ

ಸುಧಾರಿಸುವುದ್ಯಾವಾಗ ನೀನು

ಜಗದೋದ್ಧಾರಕನಲ್ಲವೇ

ಜವಾಬ್ದಾರಿ ಬೇಡವೆ ??

✍🏻ವಿನುವೇದ