ತಳಮಳ

ಮೋಸ

ಅವನ ಕಂಗಳಲ್ಲಿಯ ಆಹ್ವಾನಕ್ಕೆ ಜಗ್ಗಬೇಡ ಮರುಳೇ ಹೊಸಸದನವಲ್ಲ ಅವನೆದೆ ಗೂಡು ಅದೊಂದು ಬಾಡಿಗೆಯ ತಾವು ದಿನವೂ ಹೊಸನೀರು ಹರಿವ ತೋಡು

ಇದೊಂದು ಪ್ರೀತಿಯ ಸಾವು 

---

ದೂರ

ಮತ್ತೆ ಬಾರದಂತೆ ದೂರ ಸರಿದು ಹಿಂತಿರುಗಿ ನೋಡಿದಾಗ ಕಳೆದ ದಿನಗಳ ನೆನಪಾಯ್ತು ಕಣ್ಣಂಚಲಿಳಿದ ಹನಿ ಒರೆಸಲು ಅವನ ಕೈಗಳಿಲ್ಲ 

---

ಹುಸಿ ಮುನಿಸು

ಮಳೆ ಬಂದ ರಭಸಕ್ಕೆ ಮುನಿಸೆಲ್ಲ ಇಳಿದಿದೆ ಮರೆತೆ ಗೆಳೆಯ ನನ್ನ ಕೋಪಕ್ಕೆ ನೀ ಬಹುದೂರ ಕೊಚ್ಚಿ ಹೋಗಿರುವುದ... ಮಳೆ ಕೆಟ್ಟದ್ದೋ ಕೋಪ ಕೆಟ್ಟದ್ದೋ 

---

ಮೀನು

ನೀರ ಮೇಲಿನ ಹೆಜ್ಹೆ ನಿನ್ನದು ಕನಸಲ್ಲಿ ಕಂಡ ನನಸು ನನ್ನದು ನೀ ಹೋದಲೆಲ್ಲ ನಾ ಬರುವೆ ನನ್ನ ಕನಸೆಲ್ಲಾ ನಿನಗಾಗಿ ಧಾರೆಯೆರೆವೆ... ಇದು ಜೀವನ ಇದುವೇ ಜೀವನ

ನನಸಾಗದ ಕನಸುಗಳಿಗೊಂದಿದೆ ಗಮ್ಮತ್ತು

ಕನಸಾಗಿರದ ನನಸುಗಳಿಗೆಲ್ಲಿದೆ ಕಿಮ್ಮತ್ತು

---

ಅಹಂ

ನನ್ನೊಳಿಪ್ಪ ನೀನು ನಿನ್ನೊಳಿಪ್ಪ ನಾನು

ನಾನು ನಿನ್ನೊಳೊಗೋ ನೀನು ನನ್ನೊಳಗೋ

ನಮ್ಮಿಬ್ಬರೊಳಗೆ ಇನ್ಯಾರೋ

ನಾನೆಂಬ ಅಹಂಕಾರದಲಿ ನೀನು

ನೀನೆಂಬ ತಾತ್ಸಾರದಲಿ ನಾನು

ನಾನು ನಿನ್ನೊಳಗೋ ನೀನು ನನ್ನೊಳಗೋ

ನಮ್ಮಿಬ್ಬರೊಳಗೆ ಇನ್ಯಾರೊ.

---

ತರಂಗ

ಪ್ರೀತಿಯೆಂಬುದು ಶಾಂತವಾದ ನೀರಲೊಮ್ಮೆ 

ಅಲೆ ಎದ್ದಂತೆ ಕೆಲವರಿಗೆ ಏನೋ ತಳಮಳ

ಕೆಲವರಿಗೆ ತುಂಬಾ ಖುಷಿ

---

ಸ್ಥಿರತೆ

ನೀನಿಲ್ಲದೆ ನಾನಿಲ್ಲವೆಂದಿದ್ದ ನನಗೆ

ಎದೆಗೊದ್ದು ಹೋದೆ

ಎಲೆ ಮರುಳೆ ನೀನಿಲ್ಲದೇ ಹೊದಾಗ

ನನ್ನೊಳಗಿನ ನಾನು ನನಗೇ ಒದ್ದು ನಿಂತಿದ್ದೇನೆ

ನೀನಿಲ್ಲದ ನನಗೀಗ ನಾಳೆಗಳ ಪರಿವಿಲ್ಲ

ನಿನ್ನೆಗಳೊಂದು ಪಾಠವಷ್ಟೆ

                                              ‌ ‌ ‌‌ ‌‌✍🏻ವಿನುವೇದ

---